القمر بوبا
الدفيفيق الدابو ني
البسيمتو بتكويني كي أهلو ضنوا عليهو وعلي حبها النساني والدي ما بخليك ان بقيت حي يا قصيبة السكر الني نهدك الما رضع جني ووب على امك ووبين علي القمر بوبا عليك تقيل الديوان الديمة مقشوش بالزهور والورد معروش بالحرير الأصلي مفروش ريحتو مايقوما بلا رتوش كان دا وصفو ماهو مغشوش قدروا الساكنينو في الحوش القمر بوبا عليك تقيل بحر الدميرا العض ونزل مرة يسقي الفل والنخل فيهو عام وزينا وقدل ياهنينة البيك عقلي انشغل بعت روحي عشان ليك اصل وانت ابعد لي من زحل يا قمر بوبا عليك تقيل المبارك شيخ الظهر العليك ساسقت وفتر قوللي جنيت ولا دستر واي أنا المرضان مكنتر جابو لي حكيم خير وشر قاللي يا زول مرضك كتر سببك أم شلاخا خضر القمر بوبا عليك تقيل |
القديمة قديم الحمام
الوزيزين في موجو عام يا مرايقة قليلة كلام وا حلاتا تقول السلام القمر بوبا عليك تقيل الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك يامختم البرتكان نهدك مدردم القمر بوبا عليك تقيل الصغيرونا ام الجنا ياكريم ربي تسلما تبعد الشر من حلتا جنة للأم الولدتا الفي جبل عرفات وضعتا تسلم البطن الجابتا دي ترباية حبوبتا التميرة الفي سبيطتا الصفار صابغ خضرتا معزورة امها كان دستا وا هلاكي الناس شافتا معزباني انا ود حلتا القمر بوبا عليك تقيل |
الصغيرة شجيرة الأراك
ياقمر عشرة الفي سماك شاغلة روحي وقلبي المعاك وين لقيتك لامن آباك القمر بوبا عليك تقيل العيون الما بدمعن نامن أو صاحيات يبرقن لا بصيدن لا بعشقن سرهن في الجوف يحرقن كشفن رموشن أو غمضن كلو موت ماتقول برحمن القمر بوبا عليك تقيل الصغيرون الما كبير الرقيبة قزازة عصير السنون براقن يشين العيون متل الفناجين مابتحش قشة تناقير مابتشيل جردل على الزير الزراق فوقا تقول حرير شتتي الشبال يامضمير خلي قلوب الصبيان تطير انتي ريحتك دمور فرير ولا بت السودان اصيل القمر بوبا عليك تقيل الجزيرة ام بحرا حمى فيكي روحي وحبي النما مابسيبا ان بقى في السما ما بخلي الناس تظلما روحي في دربك سايمة يا غرق يا جيت حازمة القمر بوبا عليك تقيل |